مردوں کے ڈرامے (372 Views and 11 Replies)

ڈرامے صرف مردوں کے نہیں ہیں۔ عورتیں بھی اس ڈرامے میں شامل ہیں۔ ماں اپنی بیٹی کو یہ سکھا کر بھیجتی ہے شوہر کو کس طرح قابو میں رکھنا ہے۔ عورتوں کی اکثریت شوہر کو الگ گھر لینے پر مجبور کرتی ہے کہ کھانا الگ ہو ہمارا سب کچھ الگ ہو وہ ماں باپ جنہوں نے اپنے بیٹے کو پال پوس کر بڑا کیا یہ نئی نویلی آکر اسے اپنے ماں باپ سے الگ کر دیتی ہے۔
آج کل کی خواتین میں زیادہ پڑھنے لکھنے کے بعد یا پھر تربیت کی کمی کی وجہ سے برداشت کا مادہ ہی ختم ہو گیا ہے جس طرح عیاشی سے وہ ماں باپ کے یہاں رہتی تھی وہی عیاشی وہ سسرال میں ڈھونڈتی ہے جو اسے شروعات میں نہیں ملتی۔
سسرال ایک جنگل کی مانند ہوتا ہے جسے باغ بنانا صبر کے ساتھ لڑکی کی ذمہ داری ہے اگر گھر سلامت دیکھنا ہے۔
عدم برداشت تربیت کی کمی کی وجہ سے پیدا ہوتا ہے بس یہی وجہ ہے آج کل گھروں کے ٹوٹنے کی۔

پریکٹیکل باتیں کریں جیسے جیسے دور گزرتا جا رہا ہے لوگ دین سے دور ہوتے چلے جا رہے ہیں۔ آپ خواب و خیال کی دنیا سے باہر آئیں۔ قربانی عموماً عورت کو ہی دینی پڑتی ہے تو کہیں جا کر اینٹ کا مکان گھر بنتا ہے۔
میاں بیوی کی علیحدگی کی وجہ صرف اور صرف برداشت کی کمی اور بے صبری ہے۔
میں یہ نہیں کہہ رہا مرد حاجی صاحب ہیں یا بہت صحیح کر رہے ہیں۔

میں کہیں کا بھی واعظ نہیں ہوں۔ بس باتیں پریکٹیکل کرتا ہوں۔ اسی لیے لوگوں کو برا لگ جاتا ہے۔ آپ سمیت بہت سے لوگ قصے کہانیوں کی دنیا میں رہتے ہیں اور وہ چاہتے ہیں جو فرضی دنیا میں چل رہا ہے سب ویسا ہی ہو جائے۔
آقا علیہ الصلاۃ والسلام نے فرمایا تم میں بہترین شخص وہ ہے جو اپنے اہل و عیال اور اپنی بیوی کے ساتھ حسن سلوک سے پیش آتا ہے۔
اب یہ مرد حضرات ان باتوں پر کان نہیں دھرتے وجہ اپنے مطلب کا دین چاہتے ہیں جس میں ان کی آسانی ہو بس قرآن مجید کی اس بات پر دھیان رکھتے ہیں مرد افسر ہیں عورتوں پر اور یہی ہر وقت ان کے دماغ میں رہتا ہے۔ کسی نیک انسان کی کسی پیر کی صحبت سے دور رہتے ہیں۔
لڑکی جو اپنا سب کچھ چھوڑ کر آئی ہے اس مرد کو تو چاہیے تھا سر آنکھوں پر بٹھاتا لیکن یہ ہوتا نہیں ہے اسی لیے لڑکی کو اپنے اخلاق سے محبت سے سسرال میں جگہ بنانی پڑتی ہے لیکن یہاں عورت فرار کا راستہ دیکھتی ہے اور شوہر کو قابو کر کے اسے لے کر اڑن چھو ہو جاتی ہے اور اگر شوہر قابو نہیں آیا تو خلع لے کر راہِ فرار اختیار کرتی ہے۔

ایک بار مولانا رومی سے کسی نے سوال کیا ہے 'زہر' کیا ہے؟ مولانا رومی نے فرمایا ہر وہ چیز جو تمہاری ضرورت سے زیادہ ہو زہر ہے۔
بات دراصل یہ ہے کہ ہمارے معاشرے میں اگر مرد کے حقوق بیان کیے گئے تو صرف حد درجہ اسی پر زور دیا گیا چاہے وہ ہمارے مولوی حضرات ہوں یا ہمارے والدین، اور اگر عورت پر ظلم کی بات کی گئی تو صرف عورت کے ہی ظلم کا ذکر کیا گیا حالاں کہ مرد بھی تو مظلوم ہوسکتا ہے۔ اس معاملے میں کبھی اعتدال سے کام نہیں لیا گیا جبھی یہ ٹاپک زہر جیسا لگنے لگتا ہے۔ جبکہ اسلام نے عورت اور مرد کے حقوق برابر رکھے ہیں۔