|
Post by Noori on Mar 28, 2022 23:25:09 GMT 5
حقیقی اور اضافی مشاہداتجن لوگوں کو روحانی مشاہدات ہوتے ہیں ان کے مشاہدات کی دو بڑی قسمیں ہیں: حقیقی اور مطلق(Absolute) مشاہدہ اور اضافی (Relative) مشاہدہ۔ اصلی اور حقیقی مشاہدہ یہ ہے کہ آپ کسی شئے کو اس کے اصلی روپ میں (Absolute) دیکھیں۔ اور اضافی مشاہدہ یہ ہے کہ آپ کسی چیز کو اپنے تعلق کی بنا پر دیکھیں۔ حقیقی مشاہدہ تو یہ ہے کہ آپ یہ دیکھیں کہ وہ چیز حقیقت میں کیسی ہے۔ اور اضافی مشاہدہ یہ ہے کہ وہ چیز آپ کیلئے کیسی ہے۔ یہ ممکن ہے کہ کوئی چیز یا شخص فی الحقیقت فی نفسہٖ بہترین ہو لیکن آپ کیلئے بہتر نہ ہو۔ اسی لئے اللہ کے نبی ﷺ اپنی دعاؤں میں یوں ارشاد فرمایا کرتے تھے: «اللَّهُمَّ أَرِنَا الْأَشْيَاءَ كَمَا هِيَ». [«بريقة محمودية في شرح طريقة محمدية وشريعة نبوية في سيرة أحمدية»] یعنی اے پروردگار! ہمیں اشیاء کی وہ حقیقتیں اور حقائق دکھا جیسی کہ وہ ہیں۔ (نہ کہ جیسی کہ وہ ہمارے لئے اور ہمارے ساتھ ہیں۔) یہی مشاہدہ روحانیت کا مقصد ہے۔ اپنے مشاہدات پر غور کیا کریں اور ہمیشہ ہی انہیں مطلق نہ سمجھ لیا کریں۔
|
|