Post by Noori on Feb 6, 2022 17:27:34 GMT 5
میرے پیر و مرشد فرماتے ہیں
میرے پیر و مرشد حضرت میاں مظہر احسان ڈاہرؒ صاحب فرماتے ہیں کہ ہر چیز کا ایک ظاہر ہوتا ہے اور ایک باطن۔ ظاہر صرف دکھاوا ہے اور باطن ہی اصل ہے۔ یہ جو گوشت پوست کا انسان ہے، ہم اسے ہی انسان سمجھتے ہیں جبکہ اس کے اندر ایک روح موجود ہے جو باطن ہے۔ جس طرح کوئی شخص اپنا بازو ہلائے اور دور کوئی شخص اسے نہ دیکھ پائے تو اسے یہ محسوس ہوگا کہ آستین حرکت کر رہی ہے اور یہی اصل ہے جبکہ حقیقت اس کے برعکس ہے۔ کپڑے کی آستین خود حرکت نہیں کرتی بلکہ انسان کی وجہ سے متحرک نظر آتی ہے۔ بس اسی طرح ہماری روح اصل انسان ہے اور یہ جو گوشت پوست کا انسان تم دیکھتے ہو تو یہ اصل انسان (یعنی روح) کا صرف لباس ہے۔
باطن کی ایک حقیقت اور اہمیت ہے۔ اس دور میں لوگ باطن کو بھولے ہوئے ہیں اور لباس کو ہی اصلی انسان سمجھ لیا ہے۔ میرا یہی مشن ہے کہ باطن کی حقیقت سے روشناس کراؤں۔ اس دور میں یہ میری ڈیوٹی لگائی گئی ہے۔ دوسرے لوگوں کے مشن دوسرے ہیں لیکن باطن کی ذمہ داری مجھے سونپی گئی ہے۔ اوروں کا یہ مشن نہیں ہے۔ اگرچہ وہ اس کی اہمیت کو سمجھتے ہیں۔
